“Хошуу нутаг судлал”-ын 26 дахь эл эрдэм шинжилгээний хурлыг, Өвөрхангай аймгийн Өлзийт сумын түүхийн судалгааг өргөжүүлэх, БНМАУ-ын Сангийн яамны сайд асан Санжийн Довчины мэндэлсний 130 жилийн ой хүрээнд чиглэгдэн гүйцэтгэв.

Тус эрдэм шинжилгээний хуралд, доктор (Ph.D), Д.Бүдсүрэн “Сайн ноён хан аймгийн Илдэн бэйлийн хошууны сүүлийн ноён Норовжанцанд холбогдох архивын баримтын тухайд”, магистр Д.Лувсандорж “Халхын Сайн ноён хан аймгийн Илдэн бэйлийн хошууны нутгийн хэдэн зураг”, доктор (Ph.D), профессор Г.Мягмарсамбуу “Сайн ноён хан аймгийн Илдэн бэйлийн хошууны сүм хийдийн тухайд”, магистр Г.Ариунтуяа “Сайн ноён хан аймгийн Илдэн бэйлийн хошууны гаалийн судалгаа”, магистр Ч.Гансүх “Монгол улсын Үндэсний номын санд хадгалагдаж байгаа Өвөрхангай аймгийн Өлзийт сумын түүхэнд холбогдох эх сурвалж”, доктор (Ph.D), Б.Лхагвадорж “Өвөрхангай аймгийн Өлзийт сумын түүхэнд холбогдох Манж болон Олноо өргөгдсөний үеийн хэрэг заргын тухай”, магистр Д.Тунгалаг “Өлзийт уулын хошуунд ардчилсан засаг захиргаа байгуулагдсан нь”, магистр Г.Баттүшиг “Өлзийт уулын хошууны засаг захиргаа, аж ахуйн түүхийн судалгаа”, доктор (Ph.D), Д.Эрдэнэбат “Монгол төрийн нэрт зүтгэлтэн Санжийн Довчин: Амьдрал, үйл ажиллагаа”, магистр Б.Ринчинноров “Бүх ард түмний тусгаар тогтнолын төлөө санал хураалт: Өвөрхангай аймгийн Өлзийт сумынхан”, доктор (Ph.D), Ц.Энхжаргал “Өвөрхангай аймгийн Өлзийт сумын “Оч” нэгдлийн түүх”, магистр М.Шолпан “Өвөрхангай аймагт ардчилсан сонгууль явагдсан нь”, магистр А.Баярмаа “Өвөрхангай аймгийн Өлзийт сумын боловсрол, соёлын асуудалд”, магистр Д.Содномжамц “Өвөрхангай аймгийн Өлзийт сумын нутгаас шинээр илрүүлсэн археологийн дурсгалууд” зэрэг сэдвүүдээр илтгэл хэлэлцүүлэв.

Эрдэм шинжилгээний хуралд ШУА-ийн Түүх, угсаатны зүйн хүрээлэн, МУБИС, ХААИС, Төмөр Замын Их Сургууль, Монгол улсын Үндэсний номын сан, Архивын ерөнхий газрын судлаачид оролцож, Сайн ноён хан аймгийн Илдэн засгийн хошуунаас эхлээд Өвөрхангай аймгийн Өлзийт сумын түүх, соёл, Сангийн яамны сайд асан Санжийн Довчины талаарх сонирхолтой илтгэлүүдийг хэлэлцүүлж, санал шүүмж солилцож, цаашдын хамтын ажиллагааны талаар ярилцав.